Mendi Tour bueltan da Vitoria-Gasteizen Bilbao Mendi Film Festival-en proiektaturiko filmerik esanguratsuenekin.
Mendi Tour-ek urte osoko bira hasiko du martxoaren 4an, hurrengo asteazkenean, Vitoria-gasteizko Aula Fundación Vital Kutxan. Azken Bilbao Mendi Film Festival-eko pelikula saritu eta esanguratsuenak proiektatuko dira zinemaldiaren sorterrian. Aurten Gasteizen hasiko du bira, jaialdiaren jatorrizko hirian.
Kartelerako izenik esanguratsuenak honako hauek dira:
GIDOI ONENA: DRAWN
Drawn abentura, adiskidetasuna eta familia elkartzen dituen istorio hunkigarri bat da, baina modu oso orijinalean esana. Zinema eta irudi elementuak gidoi entretenigarri eta dinamiko baten bidez elkartzen dira. Bizitzarekiko ikuspegi oso desberdinak dituen eskalatzaile baten irudikapen lasaigarria da, zeinak elkartzen gaituzten loturei buruzko galdera unibertsalak azaltzen dituen.
SARI NAGUSIA:
VALLEY UPRISING
Valley Uprising filmak Yosemite haraneko eskaladaren historia ezagutzera ematen du. Hori lortzeko, baliatzen da narrazio trebe batez, artxiboko sekuentzien eta irudien nahasketa argi batez, eta eskalatzaile nagusien elkarrizketez. Bestalde, badu alde serioagoa, istorio garrantzitsu bat jakitera emateaz gain, garai horretako gatazka politiko eta sozialak ere azaltzen baititu. Hala ere, dibertigarria eta oso entretenigarria da, hasi eta buka. Film paregabea da eta edozeini gomendatuko genioke, eskalatzaile izan ala ez izan.
MENDIKO FILM ONENA:
SATI
Sati nahigabearen irudikapen gordina da, eta altitude handiko alpinismoaren ondoriorik latzenak ezagutarazten dizkigu. Alpinista poloniar oso ezagunaren esentzia pizten badu ere, Satik alargunean jartzen du arreta: haren senarraren heriotzaren osteko suntsipena; haren hausnarketak elkarrekin zuten bizitzaren gainean; haren etorkizunarekiko itxaropen eta beldurrak. Egitura xumea, hunkigarria eta goxoa da; hortaz, hurreratzen gaitu filmaren argumentura eta, alpinismoaren eta horri datxezkion arriskuen arteko aurka egitera.
Hemen duzue jaialdiko kartela programazio osarekin eta filme irabazlearen trailerra.
